COLORful

微微燈火照著樓窗，酸風鑽入房，房中獨有阮一人；靜靜解心意，只有茶味香，簾簷雨水tsha̍p-tsha̍p 滴滴增加阮苦痛。風雨又無停心情又飄動，往年所有的希望；犧牲到現在，毋願來放鬆，毋願變成一場夢。

Bî-bî ting-hué tsiò-tioh lâu-thang,sng-hong tsǹg-jip-pâng,pâng-tiong-tok-ū gún-tsi̍t-lâng；tsīng-tsīng kái-sim-ì,tsí-ū tê-bī-phang,nî-tsînn hōo-tsuí tsha̍p-tsha̍p tih-tih tsing-ka gún-khóo-thiànn。Hong-hōo-iū-bô-thîng sim-tsîng-iū-phiau-tōng,íng-nî sóo-ū-ê-hi-bāng;hi-sing kàu-hiān-tsāi,m̄-guān-lâi-pàng-sang,m̄-guān-piàn-sîng tsi̍t-tiûnn-bāng

想起昔日年輕時代，世情阮嘛知，只知義務佮情愛；過著重疊疊，人生的苦海，並無希望爽爽快快快樂渡生涯。只求美滿熱情永存在，可比陽春花當開；無疑運命bái，怨嘆啥人知，變成寂寞暗悲哀。

Siūnn-khí íng-ji̍t nî-khin-sî-tāi,sè-tsîng gún-mā-tsai,tsí-tsai gī-bū kah-tsîng-ài ;kuè-tioh tāng-thia̍p-thia̍p,jîn-sinn ê-khóo-hái,pīng-bô hi-bāng sóng-sóng-khuài-khuài khuài-lo̍k tōo-senn-gâi。tsí-kiû bí-buán jia̍t-tsîng íng-tshûn-tsāi ,khó-pí iông-tshun-hue tng-khui;bô-gî ūn-miā bái,uàn-thán siánn-lâng-tsai ,piàn-sîng sio̍k-bo̍k àm-pi-ai 。

冬天暝長夜半沈靜，風雨又無停，想著鬱卒的世情；受盡千萬般，艱難的苦境，並無希望永永遠遠快樂佮虛榮。只求美滿光明的前程，哪知四面是風泳；加添阮心悶，啥人來造成，冷暖無情的人生。

Tang-thinn mî-tn̂g iā-puàn tîm-tsīng,hong-hōo iū-bô-thîng,siūnn-tio̍h ut-tsut ê sè-tsîng;siū-tsīn tshian-bān-pan,kan-nân ê khóo-kìng, pīng-bô hi-bāng íng-íng-uán-uán khuài-lo̍k kah-hi-îng。tsí-kiû bí-buán kong-bîng ê tsiân-tîng,nà-tsai sù-bīn sī hong-íng;ka-thiam gún-sim-būn,siánn-lâng lâi-tso-sîng,líng-luán bô-tsîng ê jîn-sing